სახელმწიფო შესყიდვების ერთიანი ელექტრონული სისტემის უკეთ გამოყენების მიზნით სახელმწიფო შესყიდვების სააგენტომ საქართველოს სხვადასხვა რეგიონის შემსყიდველ ორგანიზაციებთან შეხვედრები დაიწყო, რომლებიც ეტაპობრივად გაიმართება კახეთის, შიდა ქართლის, ქვემო ქართლის, გურია-იმერეთისა და აჭარის რეგიონებში.
შეხვედრების მთავარი თემები სახელმწიფო შესყიდვების პროცედურები, სახელმწიფო შესყიდვების ელექტრონული სისტემის უკეთ გამოყენების შესაძლებლობები და სხვა დაკავშირებული საკითხებია. მათ შორის: რა პრობლემებს აწყდებიან შემსყიდველი ორგანიზაციები სახელმწიფო შესყიდვების განხორციელებისას; სიახლეები სახელმწიფო შესყიდვების ერთიან ელექტრონულ სისტემაში; შავი და თეთრი სია; სახელმწიფო შესყიდვებთან დაკავშირებული დავები; სახელმწიფო შესყიდვის განხორციელებისას გამოვლენილი ხარვეზები; კონსოლიდირებულ ტენდერთან დაკავშირებული საკითხები და სხვ.
ღონისძიებების ორგანიზებაში მონაწილეობენ ამერიკის შეერთებული შტატების საერთაშორისო განვითარების სააგენტოს (USAID) პროექტის „დემოკრატიული მმართველობა საქართველოში“ წარმომადგენლები.
