<strong>2015 წლის 30 აპრილს, 13:00 </strong><strong>საათზე, </strong>სახელმწიფო შესყიდვების სააგენტოში გაიმართება სახელმწიფო შესყიდვებთან დაკავშირებული დავების განხილვის საბჭოს არჩევნები, რომლის საფუძველზეც არასამთავრობო სექტორიდან შეირჩევა საბჭოს ორი წევრი.<br /> სახელმწიფო შესყიდვებთან დაკავშირებული დავების განხილვის საბჭოს შემადგენლობა განისაზღვრება ექვსი წევრით და მის შემადგენლობაში პარიტეტული პრინციპით შედიან სააგენტოსა და არასამთავრობო სექტორის წარმომადგენლები.<br /> შერჩევაში მონაწილეობის მიღება შეუძლია ნებისმიერი არასამთავრობო ორგანიზაციის წარმომადგენელს.<br /> შერჩევის მონაწილეები ხმათა უმრავლესობით გამოავლენენ მათთვის მისაღებ დავების  განხილვის საბჭოს 2 წევრს, რომლებიც აირჩევიან 1 წლის ვადით.<br /> არჩევნების შედეგი დაუყოვნებლივ ფორმდება არასამთავრობო სექტორის წარმომადგენელთა სხდომის ოქმით, რომელსაც ხელს აწერენ სხდომაზე დამსწრე არასამთავრობო სექტორის წარმომადგენლები.<br /> საბჭოს წევრებად ინიშნებიან მხოლოდ ის კანდიდატები, რომლებსაც აირჩევენ არასამთავრობო სექტორის წარმომადგენლები.<br /> არჩევნებში მონაწილეობის მსურველ არასამთავრობო სექტორის წარმომადგენელს უფლება აქვს წინასწარი განცხადების გარეშე მიიღოს არჩევნებში მონაწილეობა.<br />  <br /> <strong>საბჭოს წევრის საქმიანობა:</strong><br /> საბჭოს წევრი მონაწილეობს სახელმწიფო შესყიდვებთან დაკავშირებული საჩივრების განხილვასა და გადაწყვეტილების მიღებაში. იგი გადაწყვეტილების მიღებისას ხელმძღვანელობს შინაგანი რწმენით და მოქმედებს დამოუკიდებლად, მათ შორის წარმომდგენი არასამთავრობო ორგანიზაციისგან.<br /> საბჭო თავის საქმიანობაში დამოუკიდებელია და არ ექვემდებარება არც ერთ ორგანოს ან/და თანამდებობის პირს.<br /> საბჭოს წევრის საბჭოს სხდომებზე დასწრება და გადაწყვეტილების მიღების პროცესში მონაწილეობა სავალდებულოა.<br /> საბჭოს წევრის საქმიანობა არ ანაზღაურდება.<br />  <br /> <strong>შერჩევის ჩატარების ადგილი:</strong><br />  <br /> არასამთვრობო ორგანიზაციებს არჩევნებისათვის შესაბამისი ფართით (მისამართი: ქ. თბილისი რიჩარდ ჰოლბრუკის ქ. №8) უზრუნველყოფს სახელმწიფო შესყიდვების სააგენტო.<br />  <br />  <br /> <strong>საკონტაქტო პირი:</strong><br /> ია შავერდოვი 5 77 24 44 48<br /> ელ. ფოსტა: iashaverdovi@spa.ge<br />