შემსყიდველი ორგანიზაციების საყურადღებოდ!
გაცნობებთ, რომ სახელმწიფოებრივი და საზოგადოებრივი მნიშვნელობიდან გამომდინარე, აგრეთვე ფიჭური სატელეფონო მომსახურების შეუფერხებელი მიწოდების აუცილებლობის გათვალისწინებით, „2018-2019 წლების განმავლობაში ფიჭური სატელეფონო მომსახურების კონსოლიდირებული ტენდერ(ებ)ის საშუალებით განხორციელების თაობაზე“ საქართველოს მთავრობის 2018 წლის 30 იანვრის N225 განკარგულების მე-5 პუნქტისა და 2018-2019 წლების კონსოლიდირებული ტენდერის სატენდერო კომისიის სხდომის ოქმის N4 საფუძველზე, 2018-2019 წლების კონსოლიდირებული ტენდერის (CON170000115) ფარგლებში მომსახურების გაწევის ვადა გაგრძელდა 2020 წლის კონსოლიდირებული ტენდერის გამოცხადებამდე ან/და გამოცხადებულ კონსოლიდირებულ ტენდერში სახელმწიფო შესყიდვის ხელშეკრულებების გაფორმებისა და პორტირების პროცედურების დასრულებამდე, მაგრამ არაუგვიანეს 2019 წლის 31 დეკემბრისა. აღნიშნულიდან გამომდინარე, ფიჭური სატელეფონო მომსახურების 2018-2019 წლების კონსოლიდირებული ტენდერის (CON170000115) სატენდერო დოკუმენტაციის 6.10 პუნქტის ე. ქვეპუნქტის შესაბამისად, გეძლევათ რეკომენდაცია, ფიჭური სატელეფონო მომსახურების შესყიდვა გააგრძელოთ CON170000115 - კონსოლიდირებულ ტენდერში გამარჯვებული მიმწოდებლებისაგან (შპს „მაგთიკომი“, შპს „ჯეოსელი“, შპს „ვიონი საქართველო“), ამავე ტენდერით გათვალისწინებული ტარიფებისა და პირობების შესაბამისად.
შემსყიდველი ორგანიზაციების საყურადღებოდ!
უწყვეტი კვების წყაროების 2018-2019 წლების კონსოლიდირებული ტენდერის სატენდერო კომისიის სხდომის ოქმი №4 შესაბამისად, გეძლევათ რეკომენდაცია, უწყვეტი კვების წყაროების შესყიდვა გააგრძელოთ CON170000118 - კონსოლიდირებულ ტენდერში გამარჯვებული მიმწოდებლისაგან, ამავე ტენდერით გათვალისწინებული ფასისა და პირობების შესაბამისად, 2019-2020 წლების უწყვეტი კვების წყაროების კონსოლიდირებული ტენდერის გამოცხადებამდე, მაგრამ არაუგვიანეს 2019 წლის 31 ოქტომბრისა.“
შემსყიდველი ორგანიზაციების საყურადღებოდ!
გაცნობებთ, რომ 2019 წლის 13 ივნისიდან CMR მოდულში ახალი ანგარიშის რეგისტრაციის ფორმაში განხორციელდება ტექნიკური ცვლილებები. დამატებითი ინფორმაციისათვის იხილეთ ბმული
ტრენინგი “სიახლეები სახელმწიფო შესყიდვებში“ სახელმწიფო უწყებების შესყიდვების სპეციალისტებისათვის
2019 წლის 28 ივნისს, 5 ივლისს, 12 ივლისს, 19 ივლისსა და 26 ივლისს, სახელმწიფო შესყიდვების სააგენტოს ორგანიზებითა და დაფინანსებით, ამავე უწყების სასწავლო ცენტრში, ჩატარდება ერთდღიანი ტრენინგები „სიახლეები სახელმწიფო შესყიდვებში“, სახელმწიფო უწყებების, მათ მიერ დაფუძნებული და მათ მართვაში არსებული კერძო სამართლის იურიდიული პირების (სსიპ - ები, ააიპ-ების, შპს-ებისა და სხვ.) შესყიდვების კუთხით დასაქმებული სპეციალისტებისათვის.
ტრენინგს გაუძღვებიან სახელმწიფო შესყიდვების სააგენტოს მაღალკვალიფიციური თანამშრომლები, სწავლების მრავალწლიანი გამოცდილებით. დაინტერესებულ პირებს ვთხოვთ გაიარონ რეგისტრაცია ამ ბმულის მეშვეობით, დამატებითი ინფორმაციისთვის დაგვიკავშირდით, ტელ: 555 20 02 53 ნათია ბედენაშვილი 577 24 44 28 ნინო ჭავჭავაძე ელ.ფოსტა: training.center@spa.ge
რეკომენდაცია ხელშეკრულების ელექტრონულად გაფორმებისას ხელშეკრულების დადების თარიღის განსაზღვრასთან დაკავშირებით
იხილეთ სრულად
შემსყიდველი ორგანიზაციების საყურადღებოდ!
2018 წლის 26 ნოემბერის სახელმწიფო შესყიდვების სააგენტოს მიერ გამოქვეყნებულ სისტემურ შეტყობინებასთან დაკავშირებით, რომელიც ეხება საქართველოს მთავრობის 2018 წლის 29 აგვისტოს №446 დადგენილების დანართით განსაზღვრულ საქონლისა და მომსახურების სახელმწიფო შესყიდვას, დამატებით გაცნობებთ შემდეგს.
იხილეთ მიბმული ფაილი
სახელმწიფო შესყიდვების ერთიანი ელექტრონული სისტემის მომხმარებელთა საყურადღებოდ!
გაცნობებთ, რომ 2019 წლის 1 იანვრიდან, შემსყიდველი ორგანიზაციები და შესყიდვებში მონაწილეობის მსურველები/პრეტენდენტები/მიმწოდებლები „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე ვალდებულები არიან, სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულონ კვალიფიციური ელექტრონული ხელმოწერა ან/და ეს დოკუმენტები დაამოწმონ კვალიფიციური ელექტრონული შტამპით.
სააგენტო მოუწოდებს შემსყიდველ ორგანიზაციებსა და შესყიდვებში მონაწილეობის მსურველებს/პრეტენდენტებს/მიმწოდებლებს, გაატარონ სათანადო მოსამზადებელი ღონისძიებები, რათა 2019 წლის 1 იანვრიდან უზრუნველყონ „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მოთხოვნათა განუხრელი დაცვა.
იხილეთ სახელმძღვანელო ინსტრუქცია