სისტემის მომხმარებელთა საყურადღებოდ!
გაცნობებთ, რომ ცვლილება შევიდა „თეთრი სიის წარმოების წესისა და პირობების დამტკიცების შესახებ“ სახელმწიფო შესყიდვების სააგენტოს თავმჯდომარის 2016 წლის 26 თებერვლის №2 ბრძანებაში, „ელექტრონული ტენდერის ჩატარების წესის დამტკიცების შესახებ“ სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანებაში და გამარტივებული შესყიდვის კრიტერიუმების განსაზღვრისა და გამარტივებული შესყიდვის ჩატარების წესის დამტკიცების თაობაზე“ სახელმწიფო შესყიდვების სააგენტოს თავმჯდომარის 2015 წლის 17 აგვისტოს №13 ბრძანებაში.
განხორციელებული ცვლილებების თანახმად:
Ø მიმწოდებელმა, თეთრ სიაში დარეგისტრირების მიზნით, სააგენტოს უნდა წარუდგინოს სხვადასხვა შემსყიდველი ორგანიზაციისაგან მიღებული არანაკლებ სამი ცნობა, მის მიერ უკანასკნელი სამი წლის განმავლობაში გაფორმებული სახელმწიფო შესყიდვის შესახებ ხელშეკრულებებით (ხელშეკრულების ღირებულება არ უნდა შეადგენდეს 50 000 ლარზე ნაკლებს – საქონლის ან მომსახურების შესყიდვის შემთხვევაში, ხოლო 200 000 ლარზე ნაკლებს – სამუშაოს შესყიდვის შემთხვევაში) ნაკისრი ვალდებულებების ჯეროვანი შესრულების შესახებ. აღნიშნული ცვლილება გავრცელდება 2025 წლის 28 ოქტომბრიდან წარმოდგენილ მომართვებზე;
Ø ხელშეკრულების შესრულების უზრუნველყოფის გარანტიის ან/და წინასწარ გადასახდელი თანხის შესაბამისი ოდენობის გარანტიის ხელშეკრულების მიმდინარეობის პერიოდში ხელახლა წარდგენის ვალდებულების წარმოშობის შემთხვევაში, მიმწოდებელი შემსყიდველ ორგანიზაციას წარუდგენს წინასწარ გადასახდელი თანხის იდენტური ოდენობის გარანტიას ან/და მოთხოვნილი ოდენობის ხელშეკრულების შესრულების უზრუნველყოფის გარანტიას სრულად, თუ:
ა) ამოწურულია მისი თეთრ სიაში რეგისტრაციის ვადა ან გაუქმებულია მისი თეთრ სიაში რეგისტრაცია;
ბ) იგი დარეგისტრირებულია თეთრ სიაში, თუმცა თავდაპირველი ხელშეკრულების შესრულების უზრუნველყოფის გარანტიის ან/და წინასწარ გადასახდელი თანხის შესაბამისი ოდენობის გარანტიის წარდგენისას (არსებობის შემთხვევაში) იგი არ იყო დარეგისტრირებული თეთრ სიაში.
აღნიშნული ცვლილება ამოქმედდება 2025 წლის 28 ოქტომბრიდან.
Ø იცვლება ე.წ. „საავანსო გარანტიის“ წარდგენის წესი და გარანტიის ოდენობა დიფერენცირებული იქნება წლების მიხედვით. კერძოდ, თეთრ სიაში რეგისტრირებული მიმწოდებელი, წინასწარი ანგარიშსწორების შემთხვევაში, შემსყიდველ ორგანიზაციას, 2026 წლიდან წარუდგენს წინასწარ გადასახდელი თანხის 60%-ის ოდენობის გარანტიას, 2027 წლიდან – 70 % ოდენობის გარანტიას, ხოლო 2028 წლიდან 80%-ის ოდენობის გარანტიას. აღნიშნული ცვლილება ეხება ე.წ. „საავანსო გარანტიას“ და არა ხელშეკრულების შესრულების უზრუნველყოფის გარანტიას.
გთხოვთ, იხილოთ მიმაგრებული ფაილი.
შემსყიდველი ორგანიზაციების საყურადღებოდ!
A4 ფორმატის ერთფუნქციური შავ-თეთრი ლაზერული პრინტერის 2026 წლის კონსოლიდირებული ტენდერის შესახებ!
2026 წლის განმავლობაში A4 ფორმატის ერთფუნქციური შავ-თეთრი ლაზერული პრინტერებისა და მისი საგარანტიო ვადის ამოწურვამდე მისთვის განკუთვნილი კარტრიჯების კონსოლიდირებული ტენდერის განხორციელების დაგეგმვის მიზნით, გთხოვთ არაუგვიანეს 2025 წლის 2 ნოემბრისა კონსოლიდირებული ტენდერების მენეჯმენტის სისტემის მეშვეობით (ctd.spa.ge) მოგვაწოდოთ ინფორმაცია თქვენი ორგანიზაციის საჭიროების შესახებ.
დამატებითი ინფორმაციისთვის დაგვიკავშირდით:
599 46 93 97 თინათინ ასრათაშვილი
მოწვევა ტრენინგზე
“სახელმწიფო შესყიდვების კურსი“ სახელმწიფო შესყიდვების სპეციალისტებისათვის
2025 წლის 3 ნოემბრიდან 14 ნოემბრის ჩათვლით სახელმწიფო შესყიდვების სააგენტოს ორგანიზებით, სასწავლო ცენტრში გრძელდება ტრენინგების ციკლი „სახელმწიფო შესყიდვების კურსი“, სახელმწიფო უწყებებისა და ადგილობრივი თვითმმართველობის ორგანოების, მათ მიერ დაფუძნებული და მათ მართვაში არსებული სსიპ-ები, ააიპ-ების, შპს-ებისა და სხვა შესყიდვების კუთხით დასაქმებული სპეციალისტებისათვის.
ტრენინგს გაუძღვებიან სახელმწიფო შესყიდვების სააგენტოს მაღალკვალიფიციური თანამშრომლები, სწავლების მრავალწლიანი გამოცდილებით.
დაინტერესებულ პირებს ვთხოვთ გაიარონ რეგისტრაცია:
ტრენინგების განრიგი იხილეთ ბმულზე:
https://procurement.gov.ge/ka/c/training_center?category=2&month=1&year=2025
დამატებითი ინფორმაციისთვის დაგვიკავშირდით:
ტელ: 555 20 02 53 ნათია ბედენაშვილი
577 24 44 28 თამარ ბაბუნაშვილი
577 24 44 28 მარიამ ბუგიანიშვილი
577 24 44 28 გაბრიელ რაზმაძე
ელ.ფოსტა: training.center@spa.ge
შემსყიდველი ორგანიზაციების საყურადღებოდ!
გაცნობებთ, რომ ავტოდაზღვევის 2026 წლის კონსოლიდირებული ტენდერების სწორად დაგეგმვისა და ჩატარების მიზნით, ამასთან, შემსყიდველი ორგანიზაციების მაღალი მომართვიანობიდან გამომდინარე, 2026 წლის განმავლობაში დასაზღვევი სატრანსპორტო საშუალებების შესახებ შესაბამისი ანგარიში (გეგმა) CTD მოდულში განახლდება ხვალ, 21 ოქტომბრის დილის 09:00 სთ-დან 22 ოქტომბრის 24:00 სთ-მდე, მხოლოდ 2 (ორი) სამუშაო დღით.
აღნიშნულიდან გამომდინარე, გთხოვთ, დროულად უზრუნველყოთ და CTD მოდულის მეშვეობით დადგენილ ვადაში წარმოადგინოთ ინფორმაცია (მაქსიმალური სიზუსტით) თქვენი ორგანიზაციის ბალანსზე არსებული (რიცხული) 2026 წლის განმავლობაში დასაზღვევი სატრანსპორტო საშუალებების შესახებ, წინააღმდეგ შემთხვევაში, თქვენი საჭიროებები არ იქნება ასახული კონსოლიდირებული ტენდერების საორიენტაციო რაოდენობაში.
დამატებითი კითხვების არსებობის შემთხვევაში, დაგვიკავშირდით CTD მოდულში მითითებულ შესაბამის საკონტაქტო ნომერზე.
შემსყიდველი ორგანიზაციების საყურადღებოდ!
გაცნობებთ, რომ სხვადასხვა სახის საქონლისა და მომსახურების 2026 წლის კონსოლიდირებული ტენდერების დაგეგმვისა და ჩატარების მიზნით, უმნიშვნელოვანესია მოხდეს შემსყიდველი ორგანიზაციების საჭიროებების იდენტიფიცირება და აგრეგირება.
ყოველივე ზემოაღნიშნულიდან გამომდინარე, გთხოვთ, 2026 წლის განმავლობაში კონსოლიდირებული ტენდერების მეშვეობით განსახორციელებელი შესყიდვების გეგმების შესახებ ინფორმაცია წარმოგვიდგინოთ CTD მოდულის მეშვეობით შესაბამის ანგარიშებში (მათ შორის, ნავთობპროდუქციის (საწვავის), A4 ფორმატის საბეჭდი ქაღალდის, საკონფერენციო სკამის, საოფისე გორგოლაჭიანი სავარძლის, დასამზადებელი ავეჯის, ავტოდაზღვევისა და ა.შ.).
გთხოვთ, ყურადღება გაამახვილოთ თითოეული შესყიდვის ობიექტის შესახებ ინფორმაციის მოწოდების ვადებზე, რათა დროულად და მაქსიმალური სიზუსტით უზრუნველყოთ გეგმების წარმოდგენა.
CTD მოდულის მეშვეობით დადგენილ ვადაში ინფორმაციის წარმოუდგენლობის შემთხვევაში, თქვენი საჭიროებები არ იქნება ასახული კონსოლიდირებული ტენდერებით შესასყიდი საქონლის/მომსახურების რაოდენობებში.
დამატებითი კითხვების არსებობის შემთხვევაში, დაგვიკავშირდით CTD მოდულში მითითებულ შესაბამის საკონტაქტო ნომრებზე.
სისტემის მომხმარებელთა საყურადღებოდ!
გაცნობებთ, რომ ცვლილება შევიდა „ელექტრონული ტენდერის ჩატარების წესის დამტკიცების შესახებ“ სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანებასა და „ორეტაპიანი ელექტრონული ტენდერის ჩატარების წესის დამტკიცების შესახებ“ სახელმწიფო შესყიდვების სააგენტოს თავმჯდომარის 2016 წლის 28 ივლისის №11 ბრძანებაში.
ცვლილების თანახმად, დაზუსტებას არ ექვემდებარება ტექნიკური დოკუმენტაცია, თუ სატენდერო დოკუმენტაციის მოთხოვნ(ებ)ის შესაბამისად, წარდგენილ ხარჯთაღრიცხვაში განუფასებელი პოზიცი(ებ)ის რაოდენობა აღემატება განსაფასებელი პოზიციების 5%-ს.
ზემოაღნიშნული ცვლილება გავრცელდება 2025 წლის 7 ოქტომბრიდან გამოცხადებულ ტენდერებზე.
გთხოვთ, იხილოთ მიმაგრებული ფაილი.
სისტემის მომხმარებელთა საყურადღებოდ!
გაცნობებთ, რომ 2025 წლის 15 სექტემბრიდან სახელმწიფო შესყიდვების ერთიან ელექტრონულ სისტემას დაემატა ბაზრის კვლევის მოდული, რომელიც წარმოადგენს ბაზრის კვლევის ელექტრონული სისტემის საშუალებით განხორციელების მეთოდს.
ბაზარზე არსებული შემოთავაზებების, მათ შორის, პოტენციურ მიმწოდებელთა ვინაობის, არეალის, მათი შესაძლებლობების, შესყიდვის ობიექტის ტექნიკური და ხარისხობრივი მახასიათებლების, მიწოდების პირობებისა და ვადების, ასევე შესყიდვის სავარაუდო ღირებულების თაობაზე მაქსიმალურად სრულყოფილი სურათის შესაქმნელად, სახელმწიფო შესყიდვების სააგენტო მიმართავს შემსყიდველ ორგანიზაციებს ბაზრის კვლევის სწორედ აღნიშნული მოდულის გამოყენებით განხორციელების რეკომენდაციით.
სახელმწიფო შესყიდვების სააგენტო აგრეთვე თხოვნით მიმართავს პოტენციურ მიმწოდებლებს, რომ შესაბამისი შეთავაზებები შემსყიდველ ორგანიზაციას წარუდგინონ ბაზრის კვლევის ახალი მოდულის საშუალებით.
ბაზრის კვლევის ახალ მოდულთან დაკავშირებით, სააგენტოს მიერ შემუშავებულ იქნა სახელმწიფო შესყიდვების ერთიანი ელექტრონული სისტემის მომხმარებლის სახელმძღვანელო, რომლის გაცნობაც შესაძლებელია შემდეგი ბმულის მეშვეობით.
გთხოვთ, იხილოთ მიმაგრებული ფაილი.
შემსყიდველი ორგანიზაციების საყურადღებოდ!
გაცნობებთ, რომ 2026 წლის საჭიროებისთვის ქვემოთ მოცემული შესყიდვის ობიექტების შესახებ ინფორმაციის მოწოდების (CTD მოდულის საშუალებით) საბოლოო ვადაა 2025 წლის 05 ოქტომბერი. გთხოვთ გაითვალისწინოთ, რომ აღნიშნული თარიღის გასვლის შემდგომ ვეღარ შეძლებთ გეგმების შევსებას.
- მცირე ტვირთამწეობის საბურავები (ზაფხული, M+S, A/S, M/T, A/T)
- დიდი ტვირთამწეობის საბურავები (სატვირთო)
- დიდი ტვირთამწეობის საბურავები (სასოფლო)
- სატრანსპორტო საშუალებების ძრავის ზეთები (სატრანსპორტო საშუალების ძრავის ზეთისა და ფილტრის შეცვლა (თანმდევი მომსახურება))
- სატრანსპორტო საშუალებების ძრავის ზეთები (მხოლოდ კასრები)
- სატრანსპორტო აკუმულატორები (ციმციმიანი ან/და ხმამახლა მოლაპარაკიანი ან START STOP ავტომობილებისთვის)
- სატრანსპორტო აკუმულატორები (ავტომობილებისთვის დამატებითი აღჭურვილობის გარეშე)
- ავტობუსების აკუმულატორები (MAN / ISUZU)
დამატებითი ინფორმაციისთვის დაგვიკავშირდით:
571 25 52 55 ლაშა კირვალიძე
შემსყიდველი ორგანიზაციების საყურადღებოდ!
(კომპიუტერული ტექნიკის 2026 წლის კონსოლიდირებული ტენდერების შესახებ!)
2026 წლის განმავლობაში პორტაბელური/სატარებელი და პერსონალური კომპიუტერების, პერსონალური კომპიუტერებისთვის განკუთვნილი უწყვეტი კვების წყაროების (UPS), ასევე A4 ფორმატის მრავალფუნქციური შავ-თეთრი ლაზერული პრინტერებისა და მათთვის განკუთვნილი კარტრიჯების კონსოლიდირებული ტენდერების განხორციელების დაგეგმვის მიზნით, გთხოვთ არაუგვიანეს 2025 წლის 30 სექტემბრისა კონსოლიდირებული ტენდერების მენეჯმენტის სისტემის მეშვეობით (ctd.spa.ge) მოგვაწოდოთ ინფორმაცია თქვენი ორგანიზაციის საჭიროების შესახებ.
დამატებითი ინფორმაციისთვის დაგვიკავშირდით:
599 46 93 97 თინათინ ასრათაშვილი
შემსყიდველი ორგანიზაციების საყურადღებოდ!
გაცნობებთ, რომ საქართველოს მთავრობის 2018 წლის 29 აგვისტოს №446 დადგენილების საფუძველზე, 2026 წლის 1 იანვრიდან - 2026 წლის 31 დეკემბრამდე პერიოდში მედიკამენტების კონსოლიდირებული ტენდერებით შესყიდვის მიზნით ხორციელდება მონაცემების აგრეგირება.
კონსოლიდირებული ტენდერების დაგეგმვის მიზნით, გთხოვთ, არაუგვიანეს 2025 წლის 12 სექტემბრისა, აღნიშნულ მეილზე pharm2026@spa.gov.ge გადმოგზავნოთ ინსტრუქციის მიხედვით შევსებული ცხრილი (იხ. ბმული) იმ მედიკამენტების (CPV 33600000 - ფარმაცევტული პროდუქტები) შესახებ, რომლის შესყიდვასაც გეგმავთ 2026 წლის სახსრებით.
დამატებითი ინფორმაციისათვის დაგვიკავშირდით:
+995 32 2 242 248 შიდა: 39
+995 598 380 780 ნინი გამრეკელი
+995 598 265 254 სალომე ძოძუაშვილი
შემსყიდველი ორგანიზაციების საყურადღებოდ!
გაცნობებთ, რომ საქართველოს მთავრობის 2018 წლის 29 აგვისტოს №446 დადგენილების საფუძველზე, 2026 წლის 1 იანვრიდან - 2026 წლის 31 დეკემბრამდე პერიოდში სხვადასხვა ტიპის სამედიცინო სახარჯი მასალების (მაგ.: ნიღაბი, ხელთათმანი და ა.შ.) კონსოლიდირებული ტენდერებით შესყიდვის მიზნით ხორციელდება მოსამზადებელი ღონისძიებები.
კონსოლიდირებული ტენდერების დაგეგმვის მიზნით, არაუგვიანეს 2025 წლის 9 სექტემბრისა, აღნიშნულ მეილზე med2026@spa.gov.ge გადმოგზავნეთ ინსტრუქციის მიხედვით შევსებული ცხრილი (იხ. ბმული) იმ სამედიცინო სახარჯი მასალების (CPV 33100000 - სამედიცინო მოწყობილობების) შესახებ, რომლის შესყიდვასაც გეგმავთ 2026 წლის სახსრებით.
დამატებითი ინფორმაციისათვის დაგვიკავშირდით:
+995 32 2 242 248 შიდა: 39
+995 598 380 780 ნინი გამრეკელი
+995 577 615 515 მარინა გვრიტიშვილი
სისტემის მომხმარებელთა საყურადღებოდ!
„საქართველოს საკანონმდებლო მაცნეში“ გამოქვეყნდა სამი ახალი ნორმატიული აქტი; ცვლილებების შედეგად, რეზიდენტი პირის მიერ გაცემული ხელშეკრულების შესრულების უზრუნველყოფის გარანტიის / ე.წ. საავანსო გარანტიის წარდგენა შესაძლებელი ხდება ელექტრონული სისტემის საშუალებით – ელექტრონული დოკუმენტის ფორმით.
• შესაძლებელი ხდება ხელშეკრულების შესრულების უზრუნველყოფის გარანტიის და საავანსო გარანტიის ელექტრონული სისტემის (https://tenders.procurement.gov.ge/) საშუალებით – ელექტრონული დოკუმენტის ფორმით წარდგენა;
• ელექტრონული დოკუმენტის ფორმით წარდგენისას, მასზე საქართველოს კანონმდებლობით განსაზღვრული უფლებამოსილი პირის მიერ, შესრულებული უნდა იყოს კვალიფიციური ელექტრონული ხელმოწერა და დასმული უნდა იყოს კვალიფიციური ელექტრონული შტამპი;
• არარეზიდენტი პირის მიერ გაცემული ხელშეკრულების შესრულების უზრუნველყოფის გარანტია/ე.წ. საავანსო გარანტია შემსყიდველ ორგანიზაციას წარედგინება მხოლოდ მატერიალური დოკუმენტის ფორმით;
• რეზიდენტი პირის მიერ გაცემული გარანტიის შემთხვევაში, შესაძლებელია ორივე მეთოდით სარგებლობა – შემსყიდველ ორგანიზაციას გარანტია წარედგინება ბიზნესმენისათვის სასურველი და მოსახერხებელი ან ელექტრონული, ან მატერიალური დოკუმენტის ფორმით;
• საგულისხმოა, რომ ელექტრონული ტენდერის/კონკურსის შემთხვევაში, მოხდება პრეტენდენტის დისკვალიფიკაცია თუ ხელშეკრულების შესრულების უზრუნველყოფის გარანტია არ იქნება შესაბამისი საქართველოს კანონმდებლობასთან;
• ელექტრონული ტენდერის/კონკურსის შემთხვევაში, მატერიალური დოკუმენტის ფორმით წარდგენილ გარანტიას სახელმწიფო შესყიდვების ერთიან ელექტრონულ სისტემაში (https://tenders.procurement.gov.ge/) ატვირთავს შემსყიდველი ორგანიზაცია. გამარტივებული შესყიდვის შემთხვევაში, ორივე ფორმით წარდგენილი გარანტია სისტემაში აიტვირთება შემსყიდველი ორგანიზაციის მიერ.
ზემოთ აღწერილი ცვლილებების სრულად ამოქმედების თარიღად განსაზღვრულია 2025 წლის 20 ოქტომბერი; ამ თარიღისთვის იქნება დამატებული სათანადო ელექტრონული სერვისები სახელმწიფო შესყიდვების ერთიან ელექტრონულ სისტემაში (https://tenders.procurement.gov.ge/).
შემსყიდველი ორგანიზაციების საყურადღებოდ!
გაცნობებთ, რომ 2025-2026 წლების მცირე ტვირთამწეობის საბურავების (ზამთარი, M+S, A/S, M/T, A/T, 2025 წლის 01 ნოემბრიდან - 2026 წლის 31 იანვრის პერიოდისათვის) კონსოლიდირებულ ტენდერებში (სულ 17 ტენდერი) გამარჯვებულები გამოვლენილია. გთხოვთ, დროულად მიმართოთ გამარჯვებულ პრეტენდენტებს ხელშეკრულებ(ებ)ის გაფორმების მიზნით. შეგახსენებთ, რომ კონსოლიდირებულ ტენდერში პრეტენდენტის გამარჯვებულად გამოვლენის შემდგომ, 2025 წლის 31 ოქტომბრის ჩათვლით ყველა შემსყიდველმა ორგანიზაციამ უნდა მიმართოს გამარჯვებულს ხელშეკრულების გაფორმების მიზნით.
2025 წლის 30 ნოემბრის გასვლის შემდგომ გამარჯვებული პრეტენდენტი არ არის ვალდებული გააფორმოს ხელშეკრულება!!!
შემსყიდველი ორგანიზაციების საყურადღებოდ!
გაცნობებთ, რომ ცვლილება შევიდა „სახელმწიფო შესყიდვებთან დაკავშირებით გასატარებელი ზოგიერთი ღონისძიების შესახებ“ საქართველოს მთავრობის 2024 წლის 30 დეკემბრის №458 დადგენილებაში და განისაზღვრა შესყიდვების ერთიანი ლექსიკონის (CPV კოდების) მიხედვით კლასიფიკატორის კოდები, რომელთა ფარგლებში საქართველოს მთავრობის/პრემიერ-მინისტრის კონტროლს დაქვემდებარებული/ანგარიშვალდებული საბიუჯეტო ორგანიზაციების მიერ, საქართველოს სამინისტროებისა და მათ კონტროლს დაქვემდებარებული საბიუჯეტო ორგანიზაციების მიერ, ასევე იმ საჯარო სამართლის იურიდიული პირების მიერ, რომელთა ხელმძღვანელებსაც ნიშნავს საქართველოს პრემიერ-მინისტრი, სამუშაოს სახელმწიფო შესყიდვა, რომელიც მოიცავს ერთდროულად სამშენებლო სამუშაოსა და საპროექტო მომსახურებას (Design-build), შესყიდვის განხორციელებამდე საჭიროებს საქართველოს მთავრობის წინასწარ თანხმობას ამავე დადგენილების დანართ №3-ის შესაბამისად.
ამავე ცვლილების თანახმად, მუნიციპალიტეტებმა და მუნიციპალიტეტის მიერ დაფუძნებულმა იურიდიულმა პირებმა უნდა უზრუნველყონ დანართ №3-ის პირველი მუხლით გათვალისწინებული CPV კოდების ფარგლებში სახელმწიფო შესყიდვების განხორციელების დაწყებამდე შესყიდვის ობიექტის შესახებ შესაბამისი ინფორმაციის წარდგენა საქართველოს რეგიონული განვითარების სამინისტროსთვის, ხოლო სხვა შემსყიდველმა ორგანიზაციებმა – საქართველოს მთავრობისათვის.
გარდა ზემოაღნიშნულისა, დადგენილების დანართ №1-ის ცხრილი №1 ჩამოყალიბდა ახლებური რედაქციით. ასევე ახლებურად განისაზღვრა იმ ინფორმაციის/დოკუმენტაციის ნუსხა, რაც შემსყიდველმა ორგანიზაციებმა წინასწარი თანხმობის მისაღებად წარსადგენ ან ინფორმირების მიზნით გაგზავნილ დოკუმენტაციას უნდა დაურთონ თან.
ზემოაღნიშნული ცვლილებები ძალაშია 2025 წლის 16 მაისიდან.
დეტალური ინფორმაცია იხილეთ ბმულზე - https://matsne.gov.ge/document/view/6496801?publication=0
შემსყიდველი ორგანიზაციების საყურადღებოდ!
გაცნობებთ, რომ „ფარმაცევტული პროდუქტის ფასის სახელმწიფო რეგულირების მეთოდოლოგიის, წესისა და პირობების დამტკიცების შესახებ“ საქართველოს მთავრობის 2022 წლის 26 დეკემბრის #593 დადგენილებითა და „ფარმაცევტული პროდუქტის რეფერენტული ფასების ჩამონათვალის დამტკიცების შესახებ“ საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის 2023 წლის 15 იანვრის #2/ნ ბრძანებით განისაზღვრა ფარმაცევტული პროდუქტების ჩამონათვალი, რომელთა გაცემისას/რეალიზაციისას დადგენილია საქონლის დასაშვები მაქსიმალური ფასის ზედა ზღვარი. ხოლო, აღნიშნული ფარმაცევტული პროდუქტის დადგენილ მაქსიმალურ ფასზე ძვირად გაცემა/რეალიზაცია გამოიწვევს კანონმდებლობით დადგენილი პასუხისმგებლობის დაკისრებას.
ამრიგად, ფარმაცევტული პროდუქტების ფასების რეგულირებიდან გამომდინარე, 2025-2026 წლების განმავლობაში სხვადასხვა სახის საქონლისა და მომსახურების სახელმწიფო შესყიდვის კონსოლიდირებული ტენდერ(ებ)ის კომისიას მიზანშეწონილად მიაჩნია, „ფარმაცევტული პროდუქტის ფასის სახელმწიფო რეგულირების მეთოდოლოგიის, წესისა და პირობების დამტკიცების შესახებ“ საქართველოს მთავრობის 2022 წლის 26 დეკემბრის #593 დადგენილებითა და „ფარმაცევტული პროდუქტის რეფერენტული ფასების ჩამონათვალის დამტკიცების შესახებ“ საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის 2023 წლის 15 იანვრის #2/ნ ბრძანებით განსაზღვრული ფარმაცევტული პროდუქტების შესყიდვა, შემსყიდველი ორგანიზაციების საჭიროებების შესაბამისად, განხორციელდეს კონსოლიდირებული ტენდერის ფარგლებს გარეთ, საქართველოს მოქმედი კანონმდებლობის შესაბამისად.
ზემოაღნიშნულის გათვალისწინებით, გიგზავნით (იხ. დანართი ცხრილის სახით) იმ ფარმაცევტული პროდუქტების ჩამონათვალს, რომელზეც აღარ იგეგმება კონსოლიდირებული ტენდერით შესყიდვის პროცედურების განხორციელება.
გთხოვთ, გაითვალისწინოთ ზემოაღნიშნული გარემოება და თქვენი ორგანიზაციის მიერ, აღნიშნული ფარმაცევტული პროდუქტების შესყიდვის საჭიროების შემთხვევაში, დროულად უზრუნველყოთ შესყიდვის შესაბამისი პროცედურების განხორციელება, საქართველოს მოქმედი კანონმდებლობის შესაბამისად.”
სისტემის მომხმარებელთა საყურადღებოდ!
გაცნობებთ, რომ სახელმწიფო შესყიდვებთან დაკავშირებული დავების განხილვის საბჭოს მიერ შეიქმნა ახალი ოფიციალური ვებ-გვერდი – https://drc.gov.ge/. აღნიშნულ ვებ-გვერდზე შეგიძლიათ იხილოთ სახელმწიფო შესყიდვებთან დაკავშირებული დავების შესახებ სხვადასხვა ინფორმაცია, დოკუმენტაცია და დაკავშირებული ელ.-სერვისები, მათ შორის, პირდაპირი კომუნიკაცია გასაჩივრების ელექტრონულ მოდულთან, საჩივრების შინაარსი და დაკავშირებული დეტალები, საბჭოს სხდომების განრიგი და განსახილველი საჩივრების ნუსხა, სხვა სასარგებლო დოკუმენტაცია, როგორიცაა სამართლებრივი აქტები, სახელმძღვანელოები და გადაწყვეტილებების განზოგადოებული პრაქტიკა.
სახელმწიფო შესყიდვებთან დაკავშირებული დავების შესახებ კითხვების არსებობის შემთხვევაში, გთხოვთ, დაუკავშირდეთ დავების განხილვის საბჭოს აპარატს: (032) 2 44 07 70 (25-00); E-mail: Disputes@gnca.gov.ge